Sólin og lífið

Small goals

2011-12-08T12:12:00.003+01:00

That's what I thought. Reaching the smallest of goals will make it easyer to reach(live by) the rest of your goals. The ones that sit at the bottom of your mind and you never let them float to the surface out of fright that you might not reach them.

Official goal of yesterday reached: StepSty 12:15

Unofficial goal of yesterday reached: At library from 08:00 to 16:00 - most of the time productively spent.

Small goal of today: Gym 14:30 + write Christmas cards.

Markmið meistarans

2011-12-06T15:20:00.003+01:00

Meistaramánuðurinn er nýliðinn. Ég tók hann ekkert sérstaklega alvarlega. Var þó nokkur meistari á meðan á honum stóð, en ekki meiri en venjulega.

Meistaramarkmið margra voru stór. Minn meistaramánuður verður desember og markmið hans verða lítil en þýðingarmikil.

Markmið fyrir miðvikudaginn 7. desember: Mæta í StepSty kl. 12:15.

Veltikerling

2011-02-05T22:14:00.002+01:00

Agnes Elín velti sér í dag, af maganum yfir á bakið. Hún gerði það oft. Hún kann það og er mjög montin af því.

Næstsíðasta helgi fyrir jól

2010-12-11T09:22:00.002+01:00

Jæja, þá er ég búin að kaupa hverja einustu jólagjöf sem keypt verður á þessu heimili. Svona getur maður verið snemma í því þegar maður er í fæðingarorlofi. Ég á reyndar eftir að föndra þrjár - en það verður bara gert á næstu dögum. Það er nú samt ekki nóg með að ég sé búin að kaupa allar jólagjafirnar. Ég er búin að pakka þeim flestum inn líka. Mér telst til að ég eigi eftir að pakka inn þremur gjöfum (auk þeirra þriggja sem ég á eftir að föndra). Jólakortin komu líka í hús í gær. Þau verða skrifuð í kvöld og send til Íslands á mánudaginn. Nú er því lítið annað að gera en bara að njóta desembermánaðar. Mig grunar nú líka að það verði ágætt að hafa minna en meira að gera síðustu dagana fyrir jól. Held það kosti alveg smá skipulag og skynsemi að pakka fyrir þriggja vikna Íslandsferð sem inniheldur jól, áramót, skírn og fjöldan allan af boðum, en líka sumarbústaðarferð, sundferðir, rólóferðir o.s.fv.

Lífið í fæðingarorlofi hefur lítið breyst. Þessi vika hefur verið heldur erfiðari en margar aðrar. Davíð hefur nánast ekkert sést hér heima og næturnar hafa ekki boðið upp á mikinn svefn. Fyrir vikið hefur hreyfing verið í lágmarki og mataræðið af orkuríkara taginu (lesist:súkkulaði). Húsið er nú heldur ekki í sínum fínasta búning og bara almennt hefur mér lítið orðið úr verki. Ég þoli ekki þegar mér verður lítið úr verki. Það klæðir mig ekki. Ég þoli líka mjög illa að hreyfa mig ekki og enn verr að borða ekki nægilega hollan mat. Agnes Elín er líka farin að fá pela á hverju kvöldi. Ástandið á andlegri líðan er eftir þessu. Svona eru fæðingarorlof bara. Fjöll og dalir. Það þýðir ekki að dvelja í dal. Þessa helgina ætla ég að klífa fjall.

Það hljómar kannski undarlega í ljósi þess sem á undan hefur verið sagt að þetta fjallaklifur skuli byrja með súkkulaðiáti. En þetta er special occation. Ég á nefnilega, þökk sé pabba (takk pabbi), jólablað Morgunblaðsins 2010. Ég er búin að vera að geyma það í nokkra daga. Nú er litlan sofandi og stóran að perla. Ég er með green chai í bolla og nokkra Maraboumola á kantinum og ætla að taka mér stund með jólablaðinu. Eftir það er það samt bara búst, og Zumba og tiltekt og þvottabrot og jólakortaskrif og og og... almennt fjallaklifur. Ég verð komin í þvílíkt stuð á mánudaginn. Vitiði bara til!

2010-12-04T18:15:00.002+01:00

Þessar helgar eru bara alveg frábærar. Þið munið kannski að ég talaði um að um helgar væri ég ekki í fæðingarorlofi heldur bara venjuleg mamma. Þessa helgina er ég venjuleg mamma sem skellti sér barnlaus í ræktina í eftirmiðdaginn og sendi svo kallinn í sjósund.

Eldaði annars krónhjört í gær ofan í pabba minn. Ég hef núna tvisvar eldað beinlausa krónhjartarsteik og eftir þessi tvö skipti get ég frætt ykkur um að steikina á að elda þar til kjarnhiti hefur náð 62°. Þá á að taka steikina út og láta hana bíða undir álpappír í um 7 mínútur. Ekkert hlusta á neinar uppskriftir sem segja eitthvað annað. Sérstaklega ekki þær sem tala um 75°kjarnhita. Þær eru nú bara í ruglinu. Prófaði það ekki einu sinni. Athugið líka að þessar tölur eru alls ekki sveigjanlegar. 64°er of mikið og 60°er of lítið. Mæli líka með að steikin sé geymd í ísskáp í amk 5 daga fyrir eldun.

Nú gætu þeir sem eru vanir kokkar sagt að "þetta vita nú allir". En þetta vita bara ekki allir - og sérstaklega ekki kokkarnir sem setja uppskriftir að krónhjartarsteik á netið :-)

Allt á kafi í snjó

2010-12-02T11:17:00.002+01:00

Hér er bókstaflega allt á kafi í snjó og fimm stiga frost úti (feels like -10). Það er dásamlega bjart og fallegt - en soldið flókið fyrir mömmur í fæðingarorlofi. Í morgun tókum við nágrannakonan okkur saman um að koma stelpunum okkar í leikskólan. Hún passaði krílin og ég keyrði stóru stubbana. Ég þurfti að sópa skafla af bílnum áður en ég lagði aðf stað og um tíma var tvísýnt um hvort ég kæmist úr stæðinu. Á eftir (eiginlega bráðum) þarf ég að sækja stubbinn aftur. Þá er ég að velta fyrir mér hvort það sé ekki ágæt hugmynd að testa torfærudekkin á vagninum. Þetta eru svona fæðingarorlofspælingar. Spennandi.

Eru svona dagar ekki svo bara dagar fyrir kerti og piparkökubakstur? Ég held það.

p.s. Ég skreytti á mánudaginn. Pabbi kemur á morgun. Jólaball á laugardaginn. Hangikjöt á sunnudaginn. Allt að gerast.

p.p.s. Ég grenjaði yfir Brothers & Sisters áðan. Bara eitt tár, en samt... Note to self: Get a life.

Dræm kjörsókn

2010-11-28T09:56:00.002+01:00

Það er allt vitlaust á netinu vegna þessarar lélegu kjörsóknar. Ég skil það ekki. Þetta var bara svo fyrirsjáanlegt. Þetta er bara alveg í takt við umræðuna sem verið hefur í íslensku þjóðfélagi síðustu misseri. Allir hrópa á breytingar en fáir geta sagt nákvæmlega hverju á að breyta og hvernig eða hvernig það á að virka í framkvæmd. Fæstir setja sig það vel inn í málin að þeir geti rökrætt þau af einhverri skynsemi. Af hverju í ósköpunum hélt einhver að það yrði eitthvað öðruvísi í þessum kosningum? Endalaust margir frambjóðendur kosnir persónukjöri til að fjalla um málefni sem fæstir hafa nokkurn tímann kynnt sér eða pælt í. Að auki veit enginn almennilega hverju vinna þeirra sem kjörnir verða mun skila í raun eða hvaða áhrif niðurstöður þeirra muni hafa. Ég bara sá þetta því miður aldrei fara neitt öðruvísi en einmitt svona.

Vá hvað ég vona samt að Pawel hafi fengið öll atkvæðin sem hann þurfti til að ná kjöri.

brjóstogmjólk, mjólkogbrjóst, brjóstogmjólk, mjólk, brjóst, brjóst, mjólk....

2010-11-22T09:44:00.005+01:00

Þetta er svona dáldið það sem ég er að hugsa um þessa dagana. Eftir mjög farsæla brjóstagjöf með fyrsta barn var þetta svona það síðasta sem ég bjóst við að þurfa að hafa áhyggjur af með Agnesi Elínu. Síðustu þrjár, fjórar vikurnar erum við mæðgurnar hins vegar búnar að vera að berjast við of lítið mjólkurmagn. Stundum er nóg, oft er ekki nóg en nóg til að hún kvarti örlítið frekar en orgi og stundum - stundum er bara alls ekki nóg.

Það er alveg ótrúlegt hvað er auðvelt að gefa öðrum ráð og hvað er erfitt að fara eftir þeim sjálfur. Áður en ég eignaðist Eyrúnu Birnu hugsaði ég að ég ætlaði sko ekkert að láta það eyðileggja mig alveg ef brjóstagjöfin gengi ekki upp. Ég myndi bara taka því, gefa barninu pela og einblína á það sem væri raunverulega mikilvægt; að hún væri heilbrigð og fengi ást og umhyggju. Svo bara gekk brjóstagjöfin vel og ég þurfti aldrei að standa við þetta.

Nú er annað uppi á teningnum. Ég hef ekki haft næga mjólk fyrir Agnesi Elínu og auðvitað líður mér eins og ég sé bara ekki að standa mig í móðurhlutverkinu. Ég hugsa alls konar afar óskynsamar hugsanir eins og hversu ósanngjarnt það er að geta fætt annað barnið vandræðalaust en ekki hitt, að ég hljóti að vera að gera eitthvað kolvitlaust í deginum mínum til að orsaka það að ég geti ekki framleitt mjólk ofan í krakkann eða jafnvel að ég hafi komið mér upp einhverjum leyndum sjúkdómi milli barna sem orsaki þetta. Ég hef m.a.s. gengið svo langt að velta fyrir mér hvort það geti í alvöru verið rétt að brjóstabörn séu gáfaðari en pelabörn, hvort ónæmiskerfi Agnesar Elínar verði í molum ef ég get ekki mjólkað ofan í hana og jafnvel hvort mjólkurleysi mitt orsakist af dulinni löngun til að geta skilið krakkann við mig og verið í friði. Þegar verst hefur látið hef ég verið sannfærð um að sökum þessarar eigingirni minnar verði Agnes Elín í besta falli án sömu tækifæra og systir henar í lífinu og í versta falli bæði heilsuveil og heimsk.

Ég tek fram að þessar hugsanir hafa aðeins varað nokkrar sekúndur í einu og þá einungis á þeim stundum sem örvænting mín hefur náð hámarki. Gjarnan á kvöldum þar sem barist hefur verið við hungurgrátur svo tímum skipti. Það að þær hafi krafsað sér leið upp á yfirborðið þrátt fyrir annars ágætis skynsemi mína og dómgreind segir mér þó að þrátt fyrir andúð mína á svokölluðum brjóstafasisma hafi skilaboð hans einhvern veginn náð að rata inn í meðvitund mína. Hvað er málið með það?

Sannleikurinn er sá að ég er tilbúin að fórna ansi miklu til að geta haft Agnesi Elínu á brjósti. Mér finnst magnað að sjá hana stækka og þroskast og þyngjast með einungis þeirri næringu sem ég bý til handa henni. Ég trúi því að brjóstamjólk sé besta næringin sem völ er á fyrir ungabörn. Mér finnst stundirnar okkar þegar hún fær nóg að drekka yndislegar og mér finnst ómetanleg forréttindi að geta myndað þessi tengsl við hana á fyrstu mánuðum ævi hennar. Tilhugsunin um að þessi barátta okkar við mjólkurleysi væri upphafið á endinum á brjóstagjöfinni í þetta skiptið þykir mér óbærileg.

Sem betur fer hefur þessi vika gengið betur. Með ýmsum góðum ráðum frá góðum konum og mikilli þrjósku hefur mér tekist að vinna bug á þessu vandamáli í bili. Það er kannski þess vegna sem ég get sagt núna - Hvað er málið með brjóstafasismann?? Ég er sannfærð um að afar fáar mömmur hætta með börnin sín á brjósti "af-því-bara". Ég trúi ekki öðru en að þær tilfinningar sem ég lýsi hér að ofan séu þær sem flestar mæður finna fyrir þegar þær sjá fram á að þurfa að hætta með börnin sín á brjósti áður en það er orðið tímabært. Þegar baráttan við mjólkina byrjar er því það síðasta sem þær þurfa að heyra að "það geta allar konur fætt börnin sín og ef þú mjólkar ekki nóg þá er það bara þér að kenna". Þetta er kannski ekki sagt með þessum orðum en þetta eru samt skilaboðin. Eins og sjá má hér að ofan er mjög auðvelt að brjóta sig niður þegar maður upplifir getuleysi í þessu frumhlutverki móðurinnar. Það niðurbrot gerist alveg að sjálfu sér og þarf ekkert aðstoð fagaðila við það. Það er gott að taka húsráðum (eða fagráðum) góðra kvenna og fylgja þeim eftir. Ef það dugar ekki til, barnið er svangt og móðurinn líður illa, er ekkert annað að gera en að blanda pela. Þannig er það bara stundum og það er allt í lagi.

Vonandi þarf ég ekki að hafa áhyggjur af þessu aftur. Nenniði samt að minna mig á þetta næst þegar ég berst við mjólkurleysi og fer að taka meira mark á brjóstafasistunum en sjálfri mér.

Fæðingarorlof á laugardegi

2010-11-20T09:12:00.002+01:00

Um helgar er ég ekki í fæðingarorlofi. Ef ég væri í vinnu væru helgar líka helgar. Þar sem fæðingarorlofið er mín vinna eru helgar líka helgar núna. Ég veit ekki hvort einhver skilur þetta. Er ekki frí bara frí? En þannig er það ekki. Í dag tek á ofan fæðingarorlofshattinn og set upp helgarmömmuhattinn. Framundan er kirkjuskóli, brúðuleikhús, hverfisskemmtun, piparkökubakstur og svínasteik.

Og þó ég hafi fengið mér pizzu og jólaglögg í gærkvöldi ætla ég samt að halda upp á þennan nammidag. Ég er hvort sem er löngu búin að breyta nammidögum í nammisólarhringa.

Í fæðingarorlofi að borða laxasalat

2010-11-18T12:25:00.004+01:00

Það er skrítin stemmning að vera í fæðingarorlofi. Maður er hvort tveggja í senn, í fríi og í alls engu fríi. Það er ekki langt síðan ég var í fæðingarorlofi með Eyrúnu Birnu. Ekki nema rúm tvö ár síðan því lauk. Það er samt nógu langur tími til þess að ég væri alveg búin að gleyma því að maður kemur engu í verk í fæðingarorlofi, janfvel þó að allir standi í þeirri trú að maður hafi allan tímann í heiminum. Við Agnes Elín erum núna búnar að vera í fæðingarorlofi saman í rúma tvo mánuði. Enn hef ég afar fátt því sem ég ætlaði að vera svo dugleg að gera í orlofinu. Ég er ekki búin að lesa leiðbeiningarnar með myndavélinni minni spjaldanna á milli og hef aldrei farið með hana út að taka myndir. Ég er ekki byrjuð í fjarnámi í sænsku. Ég hef ekkert skrappað enn og hef bara ósköp lítið sinnt myndum og myndaalbúmum fjölskyldunnar. Ég hef bara farið í örfá skipti í mömmuleikfimi, bara tvisvar föndrað með Eyrúnu Birnu, einu sinni bakað og aldrei eldað eftir öðrum uppskrifum en þeim sem fylgja Linas Matkasse. Ég hef einu sinni horft á sjónvarpsþátt að degi til (í gær) og þau eru teljandi á fingrum annarrar handar skiptin sem ég hef lagt mig. Ég ætla ekki einu sinni að byrja á öllu því sem ég er ekki búin að gera á fræðilega sviðinu, greinunum sem ég hef ekki lesið, dómunum sem ég er ekki búin að vera að fylgjast með, bloggfærslunum sem ég hef ekki skrifað o.s.fv. Hvað er ég þá búin að vera að gera?? Ekki hugmynd!

Ég hef því ákveðið að blogga í orlofinu. Það er ekki víst að bloggfærslurnar verði allar mjög spennandi enda ætlunin að halda nokkurs konar dagbók hér á netinu - ekki síst til að reyna að átta mig á því hvað dagarnir mínir fara í. Hvernig er lífið í fæðingarorlofi í Lundi? Ég gæti hugsað mér að setja mér reglulega einhver markmið og fylgjast svo með því hvernig mér gengur að klára þau. Hér langar mig líka að deila með ykkur uppskriftum sem ég prófa (vonandi), skrappsíðum sem ég klára (vonandi) og kannski fer ég einhvern tímann að geta sett inn fallegar myndir sem mér tekst að skjóta á gersemina mína. Það getur vel verið að ég læði inn hér einhverjum þjóðfélagspælingum en líklegast verður það sjaldnar. Það er bara svo sjaldan sem mér tekst að hugsa heila hugsun frá byrjun til enda þessa dagana. Efnið er opið en eitt er víst - bloggið er komið aftur.

Í dag er einn af þessum dögum sem ég var búin að sjá fyrir mér að ég myndi eiga mikið af í orlofinu en hefur ekki tekist að eiga nema fáa enn sem komið er. Mér tókst nefnilega að strunsa með Eyrúnu Birnu í leikskólann klukkan 09:00 og halda svo áfram niður í Gerdahallen (ræktin mín) og vera mætt í leikfimi kl. 09:45. Mikið var það nú hressandi. Fullt af glöðum eða gargandi krílum og mömmum í jafnslæmu formi og ég að gera ótrúlega leiðinlegar kerlingaæfingar við sænsk júróvisíonlög. Hljómar ekki vel? Þetta var sko fínt. Ég segi ekki að ég myndi velja þetta fram yfir góðan Body Pump tíma en það er bara ótrúlegt hvað maður getur sætt sig við þegar ekki er annað í boði. Agnesi Elínu fannst líka bara mjög fyndið að fylgjast með mömmu sinni á fjórum fótum með rassinn út í loftið að pissa eins og hundur.

Eftir að hafa strunsað aftur heim og þannig náð bara alveg hátt í tveggja tíma samfelldri hreyfingu þennan morguninn ákvað ég að hádegismaturinn fengi ekki að vera neitt annað en hollur. Ég notaði hugmynd frá Níní sem innblástur og bjó mér til dásamlega gott laxasalat og skellti ofan á hrökkbrauð.

Laxasalat
1 lítil dós kotasæla
ca 1/4 avocado
2 egg
reyktur lax eftir smekk (ég notaði kannski svona dl)

Avocadoið, eggin og laxinn skar ég svo smátt og blandaði út í kotasæluna og kryddaði svo með pipar og heilsusalti (herbamare). Þessu skellti ég svo ofan á gróft hrökkbrauð og það besta er að það er hellings afgangur fyrir hádegismatinn á morgun.

Ef ég hefði mátt borða rauðlauk hefði hann auðvitað verið fullkominn smátt saxaður út í (kannski svona 1/4 laukur þá). Þar sem Agnes Elín er magakveisu kríli á brjósti verður það bara að bíða betri tíma.

Nýtt tækni

2010-10-05T21:37:00.001+02:00

Bloggandi úr Android. Thad er hugsanlegt ad bloggin verdi nú fleiri. Nokkrar hugmyndir ad orlofsbloggthema. Kannski madur endurvekji thetta...

Published with Blogger-droid v1.6.1

Júróvisíon

2010-05-30T22:46:00.001+02:00

Í fyrsta skipti síðan ég byrjaði að fygljast með júróvisíon vann lagið sem ég hélt með (uu.. fyrir utan Ísland audda).

2010-04-27T10:24:00.004+02:00

EB: Mamma, hvað varstu að gera?
Mamma: Hitta vinkonur mínar aðeins.
EB: Hvaða vinkonur áttu?
Mamma: Mmm... Elvu og Guðbjörgu.
EB: Og líka Sigrún, mamma hennar Borghildars?
Mamma: Jájá, líka Sigrún. Og Ragnheiður, mamma hennar Söru.
EB: Hvaða vinkonur áttu meir?
Mamma: Mmm... Níní og Elvu, mömmu hans Lúkasar.
EB: Og hvað svo meir?
Mamma: Salóme og Hildi og Guðrúnu Birnu og Ásdísi og margar margar bara...
EB: En hvaða vinkonur áttu meir??
Pabbi (líklegast farið að gruna að eitthvað sé undirliggjandi þessum áhuga): Hvaða vinkonum manst þú eftir?
EB (brosir eins og mamman sé algjör kjáni): EYRÚN BIRNA!!! (svo hlær hún) Þú gleymdir mér!!!

Magnað

2010-04-22T11:22:00.001+02:00

Mér finnst bara svo endalaust magnað að í bumbunni minni sé lítið kríli með um 4cm breiðan haus sem er samt með hjarta sem slær og tíu fingur og tíu tær.

Annars snjóar í Lundi í dag.

7 SEK

2010-03-26T09:59:00.000+01:00

Nennir einhver að rölta við hjá mér með 7 SEK svo ég geti fengið kaffi...

Við freistingum gæt mín...

2010-03-25T13:56:00.002+01:00

Ég vildi að konurnar í kaffiteríunni í Juridicum bökuðu ekki svona hræðilega góðar og girnilegar kanelbollur. Rak augun í kanelbolluturn rétt í þessu og nú get ég ekki hugsað um neitt annað - sérstaklega ekki "passing-on defence".

Uppgötvun dagsins

2010-03-25T10:07:00.002+01:00

Ég hjólaði í skólann í morgun og gerði skemmtilega uppgötvun á leiðinni. Fyrri helming ferðarinnar var ég reyndar upptekin við að pirra mig á því að bakpokinn minn væri of þungur og yfir tárunum sem láku úr augunum í vindinum og klesstu morgunfarðann. En svo allt í einu áttaði ég mig á því að ég var komin úr vettlingunum, sólin skein í andlitið á mér, jakkinn var opinn og ég var í strigaskóm! Lyktin í loftinu minnti mig á fallega vordaga í Austurríki forðum daga og einhver boli var horfinn úr vindinum sem blés í andlitið á mér. Vorið er loksins komið í Lundi!

Get ekki meiri vetur

2010-02-22T12:38:00.003+01:00

Ég heyrði í dag að vorið kæmi 15. mars og sumarið 1. apríl. Ég vona svo sannarlega að það sé rétt. Ég get ekki mikið meiri vetur. Eyrún Birna grenjaði í morgun þegar hún sá ullarnærfötin sín. Hún er líka búin að fá nóg held ég.

Langar í....

2010-02-22T12:29:00.002+01:00

Langar ógeðslega mikið í brauðstöng - eða hvítlauksbrauð.

Minning um magnaða konu

2010-02-16T23:55:00.004+01:00

Í dag lauk merkileg kona lífi sínu. Lífi sem einkenndist af fórnfýsi og dugnaði, trúfesti, staðfesti, djörfung og gleði. Amma Sveina er dáin. Sveina var ekki amma mín. Hún var hins vegar amma mjög margra sem ég umgekkst mikið um tíma og þess vegna er hún og verður alltaf fyrir mér - amma Sveina.

Amma Sveina var annar helmingur magnaðs tvíeykis sem ég kynntist þegar ég fyrst fór að starfa í sumarbúðunum í Ölveri árið 1994. Hinn helmingurinn var Bettý. Sveina var forstöðukona. Bettý var ráðskona. Sér til aðstoðar við að stýra heilum sumarbúðum höfðu þær okkur. Stelputrippi sem höfðu lítið að vopni annað en viljann og höfðu takmarkaðan skilning á þeirri miklu reynslu og visku sem bjó í Bettý og Sveinu. Sumarið var stormasamt og lærdómsríkt. Síðan eru liðin rúm 15 ár. Á þessum árum vitkaðist ég og með vitinu kom skilningurinn.

Bettý kvöddum við fyrir all nokkrum árum eftir baráttu við banvænan sjúkdóm. Í dag kvaddi Sveina. Sumarið 1994 var byrjunin á góðu, á yndislegu samstarfi við Sveinu hvort heldur sem var sem starfsmaður hennar, meðstjórnarmaður eða sem stjórnarmaður sem naut þess að starfa undir fyrirbænum og velvild hennar.

Sveina helgaði líf sitt Ölveri, KFUK og SÍK. Hún helgaði einnig líf sitt börnum sínum og barnabörnum. En fyrst og fremst helgaði hún líf sitt Guði. Hún var trúföst og bænheit og ósérhlífin með öllu. Hún skoraðist ekki undan tækifæri til að vinna verk í ríki Guðs, hversu stórt eða smátt sem það var. Hún var fyrirmynd. Ég mun sakna þess að upplifa ekki hlýtt faðmlag hennar og viðmót á mannamótum þar sem þess væri annars að vænta. En hún er nú á besta stað og það er hverjum manni hvatning að reyna að fylla í þau spor sem hún skilur eftir hér. Hennar hógværu störf munu bera ávöxt langt umfram það sem nokkurn tímann verður mælt.

Minningin um Sveinu er góð. Um leið og fráfall slíkrar konu er syrgt ber að fagna og gleðjast yfir löngu og hamingjuríku lífi hennar sem bar svo ríkulega ávöxt, sem börn hennar og aðrir afkomendur bera vitni.

You can negotiate all you want...

2009-12-30T12:32:00.003+01:00

Var ég einhvern tímann búin að segja ykkur að ég var fyrir jól í tímum hjá írskum lögfræðingi, Leo Flynn, sem starfar hjá framkvæmdastjórn Evrópusambandsins, nánar tiltekið með ríkisstyrki. Hann spurði mig leyfis áður en hann notaði í kennslu hugtak sem þekkt er orðið innan hans geira "the Icelandic idiocy". Síðan sagði hann "You will never enter the Union. You can negotiate all you want but we all know it will all lead to nothing." Þar hafiði það. Var samt fínn. Mjög fínn.

Heimilislegt

2009-12-29T10:25:00.001+01:00

Það er eitthvað heimilislegt við mjúkar piprur sem eru búnar að standa á jólaborðinu síðan á aðfangadagskvöld.

Skemmtilegt

2009-12-23T10:13:00.002+01:00

Níu mínútur búnar og ég er þegar búin að fá tvær jólakveðjur. Frá biskup og forseta. Hresst.

OCD Pæling

2009-12-23T09:40:00.001+01:00

Er mjög slæmt að ganga á eftir krílunum sínum í jólastemmningunni og færa til jólaskrautið sem þau hengja á tréð?

Notalegt

2009-12-21T16:50:00.003+01:00

Ég þarf klárlega að fara að finna auðvelda leið til að setja inn myndskeið. Sumri stemmningu er bara engan veginn hægt að lýsa með orðum. Til dæmis þeirri sem ríkir í eldhúsinu mínu núna. Hér á neðri hæðinni er ástandið eins og í laginu góða "... á réttum stað ei neitt, ryksugan á gólfinu og..." Það skiptir engu. Tvær tveggja ára "bästis vinir" og ég fórum út áðan að leika í snjónum. Þær létu draga sig í snjónum, lærðu að búa til engla og óðu snjó upp í mitti til að komast út á róló. Meira hvað maður rennir hratt í snjóbuxum á snjóblautri rennibraut. Nú erum við hér í eldhúsinu með heitt kakó og brauð með mysing og gormarnir dilla sér við íslensk jólalög. Þær eru svo glaðar, með kakóið - og með hvora aðra, bästis vinirnir.

Svo kom líka slatti af jólakortum í póstkassann í dag og það bíður eftir okkur pakki á pósthúsinu. Ætli það séu ekki bara að koma jól - með jólaskapi og allt saman!

Er einhver sem vill skrifa fyrir mig tvær ritgerðir annars? Í boði er annars vegar Sérstaða lyfjaiðnaðarins með tilliti til beitingu evrópskra samkeppnisreglna og hins vegar eitthvað ótrúlega spennandi efni að eigin vali um ríkisstyrki.

Jólalög

2009-12-21T08:45:00.002+01:00

Ég get svarið það að ég þyrfti alls ekki að kveikja á útvarpinu hér frekar en ég vildi. Hér er bara stanslaus heimatilbúin tónlist allt frá því álfurinn minn vaknar og þar til hann sofnar. Í morgun vaknaði ég við jólasveina hreinn og hátta sem fóru að hátta á undan jólatröllunum í fyrrakvöld. Þá var illt í jólakirkju. Upp á stól stendur mín kanna er líka vinsælt.

Hér eru líka sungnar jóla-drykkjuvísur að sænskum sið "hej tomtegubbar, slå i glasen, och låt oss lustiga vara", sænskar þyrnirósarvísur og svo auðvitað eru vísurnar um heilaga Lúsíu vinsælar. Sérstaklega þessar þrjár línur (då kommer någon där, jag vet nu vem det är, sankta lucia, sankta lucia) sem geta oft gengið á repeat á meðan önnur verkefni eru leyst.

Mér finnst þetta stuð. Hlakka til að skreyta jólatréð með grísunum mínum á Þorlák og heyra hvað þeim dettur í hug að syngja saman. Verð að muna að kaupa appelsín í jólaölið.

Jólakort

2009-12-20T21:07:00.001+01:00

Ásta Sóllilja
Skyttelinjen 289
22649 Lund
Sverige...

...er spennt að fá öll jólakortin sín í hús!!! :-)

Helgin fyrir jól

2009-12-19T11:41:00.003+01:00

Hér er helgin að byrja. Feðginin fóru rétt í þessu dúðuð í strætó á leið í jólagjafaleiðangur í miðbæ Lundar. Spennandi. Hér er allt á kafi í snjó og bætir stanslaust í. Jólakortin eru komin í póst og allar jólagjafir innpakkaðar nema þær sem Jökull ætlar að fá að aðstoða við. Jólatréð er úti í garði og verður sett upp á mánudagskvöldið. Smákökusortirnar eru orðnar sjö, hangikjötið komið úr frysti og laufabrauðin á sínum stað. Fyrir utan það að heimilið lítur út eins og eftir kjarnorkusprengju er þetta bara allt að koma. - Nema kannski jólaskapið mitt en það bara hlýtur að fara að kikka inn. Er það ekki?

Framundan er julefrokost hjá vinum í Hróaskeldu. Það ætti að verða jólalegt :-)

Helgin? Bara fín.

2009-12-06T21:25:00.003+01:00

Föstudagskvöld í hvíld og kósí. Íþróttaskóli, þrif, afró, jóga, matur, spjall, spil, góðir vinir, átta tíma samfelldur svefn, piparkökur, piparkökumálun, laufabrauðsútskurður, glögg, malt og appelsín og dásemdarkaffiborð og loks meiri smákökubakstur og almennur frágangur í gula húsinu. Er það ekki svona sem desemberhelgarnar eiga að líða? Mmmmm. Litli jólasveinninn minn er að minnsta kosti sáttur.

Gúmmístígvélastelpan

2009-12-01T08:57:00.004+01:00

Innkeyrslan mín var blaut í morgun þegar ég fór af stað og mér fannst himininn rigningarlegur. Ég er í hosum, gúmmístígvélum og gúmmíregnkápu. Jörðin er þurr og himininn er ekkert rigningarlegur. Ég er bara eins og bjáni. Skemmtilegt.

Mætt í skólann og búin að fá mér skólakaffi. Á dagskránni: "Rethinking aAgricultural Domestic Support Under the World Trade Organization"

Uppskrift að kraga?

2009-11-30T09:37:00.002+01:00

Mig vantar svo eitthvað heitt í hálsinn á Birnuskottinu. Á einhver uppskrift að svona stroffi/kraga fyrir svona kríli (svona eins og rúllukragi með smá stykki niður á brjóst og út á axlir. - Ég veit það er til svoleiðis í P.o.P og H&M en ég á soldið af garni og var að hugsa hvort ég kæmist ekki einhverja ókeypisleið að svona gersemi.

Afrakstur helgarinnar

2009-11-29T19:14:00.002+01:00

Jólaglögg frá Glorias Äppelgård, jólasinnep og jólaeplasulta. Jólabúningur á stelpuna, jólapiparkökur í boxi, jólaskinka í ísskáp og jólamandarínur í maga. Jólaöl í skúrnum, aðventuljós í glugga, aðventukerti í stofu, jólalög í spilaranum, jólaskraut niður af háalofti og jóladagatal á hurðina hjá Skottinu. Jólagjafir í húsi og jólakort á leið í pöntun. Jólaskap???... Horfið!

Kaos

2009-11-27T14:13:00.002+01:00

Þannig líður mér bara þessa dagana. Allt á fullu á öllum vígstöðvum og einhvern veginn bara allt í graut í kollinum á mér. Ég næ ekki að halda í við kennarana mína í lestri, mæti ekki í ræktina, dunda mér lítið með EB, held heimilinu ekki hreinu, fer varla í búð og matseldin er tilviljanakennd og oft ekki upp á marga fiska. Hvað er í gangi eiginlega? Ég er dauðþreytt á morgnana, kvöldin og um miðjan dag.

Shit hvað svona tímabil eru óþolandi og mikið vona ég að þetta gangi fljótt yfir. Þoli ekki svona. Ætla að reyna að stíga fyrstu skrefin í átt að betra líferni í dag. Þrif, matarinnkaup og todo-listi. Hvernig hljómar það? Verkefni helgarinnar er svo að gera "stundatöflu" fyrir næstu viku og sjá hvort ég get ekki amk reynt að ná upp lærdómi og taka inn einhverja hreyfingu. Margir litlir sigrar hljóta að gera svo einn stóran.

Men nu är jag ju här...

2009-11-25T10:58:00.005+01:00

Frábært. Var með plön um rækt og lestur fram að tíma sem á að byrja kl. 13:15. Var búin að koma mér fyrir við tölvuna með stílabók og kaffibolla, tilbúin að byrja að glósa grein, þegar ég rak augun í eftirfarandi tilkynningu á skjánum hjá mér "Don't forget two lectures concerning your master thesis on Wed. 25 Nov (10-12 at Crafoord II) and Mon. 7 Dec (13-14 at Crafoord II)." Klukkan var tíu mínútur í tíu. Ég hentist á fætur, greip allt í fangið (tölvuna, snúruna, stílabókina og veskið) hoppaði í strigaskó og úlpu og út. Hjólaði svo í hendingskasti hér niður í skóla þannig að dropaði af mér. Craaford II var tóm. Ég hafði verið að horfa á gamalt og úrelt skema. Fyrirlesturinn sem ég hentist á - er á föstudaginn.

Nú sit ég hér. Með tölvuna mína, kaffi og stílabók. Ósturtuð, ómáluð, sveitt, svöng, óræktuð og með ekkert íþróttadót. Dásamlegt alveg. Better make the most of it...

Arion? Siríöslí?

2009-11-23T19:35:00.001+01:00

Ég held ég þurfi að skipta um banka. Sé þetta fyrir mér.
"Hjá hvaða banka ertu?"
"Arion"
Siríöslí? Er ekki viss um að ég geti þetta.

Hún kemur sífellt á óvart sú litla

2009-11-18T19:58:00.002+01:00

Fyrir kvöldmat vorum við Eyrún Birna að pússla og Mozart var á fóninum. Eyrún Birna leggur við hlustir og ég man nú ekki hvað það var sem byrjaði akkúrat þá en einhver melódía var það sem gæti verið vel til þess fallin að dansa við hana ballet. Þá segir hún: "Manstu mamma - Katrín var að dansa í fína kjólnum í sjónvarpinu." Það var í maí sem hún sá það!!

Síðar, á meðan ég undirbjó matinn, sat hún við eldhúsboðið og skoðaði leikfangabækling sem kom með póstinum í dag. Hún sá Fifi (Gullu) dúkkur og lifnaði heldur betur yfir henni þá. "Manstu mamma í sjónvarpinu í flugvélinni". Það var líka í maí!!!

Hún er með límheila. Ég bara vissi ekki að svona kríli væru með svona fínt minni.

Jólaskap

2009-11-18T12:15:00.001+01:00

Facebook segir mér að allt sé að verða vitlaust í jólaundirbúningi á Íslandi. Er það rétt metið hjá mér?

Átsj

2009-11-17T17:45:00.002+01:00

Nei grín. Ég fann ekkert fyrir þessu. En nú er ég bólusett. Spennandi að sjá hvað kemur út úr því. Ég á að flytja verkefni á fimmtudag og dagurinn í dag fór ekki í að læra þ.a. ég vona að þessu fylgi ekki einhverjar drasl-aukaverkanir. Svínið nær mér amk ekki að fullu úr þessu.

Alvara

2009-11-17T15:25:00.002+01:00

Allir gestir farnir í bili og alvaran tekin við fram að jólum. Mikið er nú gaman að fá góða gesti. Ef einhvern langar að nýta sér hraðatilboð Icelandair... t.d. í mars :-)... þá erum við hjónin víst höfðingjar heim að sækja sagði einhver. En nú er alvaran tekin við - ræktin í gær og bólusetning og lærdómur í dag. Stemmning.

Gestir á leiðinni...

2009-11-12T09:37:00.001+01:00

Þær eru bara í fluginu núna skvísurnar. Lenda á Kastrup kl. 11:00. Skvísuhelgi framundan svo! Hrikalega gaman. Nenni samt ekki að byrja að skúra... Spurning um að vera á síðustu stundu?

Uppgefin

2009-11-10T21:55:00.001+01:00

Skilaði og kynnti ritgerð í dag. Á annasama og langa daga að baki. Er uppgefin. Trúi ekki að ég eigi að fara að hamast í nýjum fögum strax á morgun. Ekki séns.

Laumublaðsíða

2009-11-09T00:44:00.001+01:00

Ég er að skrifa ritgerð. Hún má mest vera fimmtán blaðsíður. Sextánda blaðsíðan er að læðast aftan að mér og það er ekkert sem ég get gert til að stoppa hana. Laumublaðsíða.

Æ hvað maður er lasinn

2009-11-08T20:52:00.002+01:00

Ég sit við skrifborðið mitt að basla saman síðustu blaðsíðunni í ritgerð. Inn til mín læðist lítið Birnuskott með bók annarri og bangsa í hinni. Hún leggur höfuðið í kjöltuna mína og segir: "Góða nótt mamma." Er maður þá ekki dáldið lasinn?

Jólin framundan?

2009-11-06T09:04:00.004+01:00

Ég sendi lítinn blómálf i leikskólann í dag. Á næsta ári verður hún norn. Hún er bara allt of grúví til að vera blómálfur.

Ég er lítið farin að hugsa um jól. Kannski af því ég er að kafna í ritgerðarskrifum, fer lítið út úr húsi og er alls ekki í stuði til að jólavesenast eitthvað. Bæklingar um jólaskraut og gjafir eru farnir að fylla póstkassann á hverjum degi, og ég er viss um að jólaskrautið er komið í búðirnar einhvers staðar. Ég er bara ekki búin að fara að kíkja á það.

Ég fékk samt svolítinn hnút í magann rétt í þessu, þegar ég sá minnst á jólaheimferðir á stöðuuppfærslum á fésbókinni og stefnumót á Þorláksmessustund í Friðrikskapellu. - Það var mjög notalegt að eyða jólunum hér á heimilinu okkar í Svíþjóð í fyrra. Núna verður ábyggilega ekki síður notalegt þar sem við fáum að hafa stóra strákinn okkar hjá okkur. - Í fyrra komu samt mamma og pabbi og öll systkini mín og eyddu með okkur viku frá öðrum í jólum. Það gæti hafa gert allt saman miklu auðveldara...

... Ég er alveg til að vera heima með litlu fjölskyldunni um jólin. Ég vildi samt að ég gæti farið á Þorláksmessustund í Friðrikskapellu og spilað við systkini mín í Hæðarselinu á jóladag. Það væri aðeins betra.

Að sofa í sínu rúmi

2009-11-04T09:48:00.002+01:00

Já ég veit ég hef talað um þetta áður. Ég hef hins vegar eiginlega aldrei ákveðið að gera neitt í þessu. Eyrún Birna hefur verið tekin upp í til okkar nánast á hverri nóttu síðan við komum heim úr sumarfríinu og ekkert hefur verið gert til að breyta því. Við vorum svo ákveðin í að sofa að það var bara auðveldara að fá hana á milli okkar hálfa nóttina en ekki. Hvorugu okkar finnst það samt sérstaklega þægilegt. Nú er hún orðin bæði fyrirferðamikil og "hávaðasöm" vegna draumanna sinna og svefn okkar hjónanna er eftir margar nætur dálítið skertur. Þó minna skertur en hann væri ef ég væri stanslaust að fara með hana á milli rúma.

Alla vega - kunniði einhver góð ráð?

Kók - verkfæri dj......?

2009-10-23T13:42:00.002+02:00

Við Davíð höfum síðan við kynntumst bæði verið mikið fyrir kókdrykkju. Stöku sinnum Pepsi Max. Mestmeginis Diet Coke eða Coke Light. Jafnvel Zero þegar þannig liggur á okkur. Við höfum alltaf átt kók - eða verið á leiðinni að fara að kaupa kók. Það hefur verið hamstrað á tilboðstímum og ákveðið öryggi fólgið í því að vita af einum svalandi sopa af stakri kaloríu í ísskápnum. Fíklar? Nei, ég held ekki, en klárlega of mikið af því góða.

Í ágúst hættum við að kaupa kók. Við bara hættum! Við drekkum ennþá kók þar sem við erum gestkomandi ef okkur langar í og það er í boði. Ef við förum "út að borða" (lesist á MacDonalds eða álíka) þá kaupum við líka kók ef okkur langar í það. Við kaupum það ekki á heimilið. Það sem meira er - við höfum varla saknað þess. Tvisvar! Tvisvar hef ég hugsað "nú væri gott að eiga kók". Mig hefur þó ekki langað nógu mikið í það til að fara út í búð og kaupa það en í annað skiptið var Davíð svo yndislegur að koma með eina dós handa mér úr búðinni síðar um daginn. Fanatíksk? Alls ekki eins og sést. En okkur hefur klárlega báðum liðið betur í kókleysi heimilisins.

Í gær fengum við gesti frá Jótlandi. Þau komu við í þýskum gnægtaverslunum áður en þau mættu á svæðið. Aðallega til að afla drykkjarfanga. Þau komu með tvo kassa af Coke Zero dósum. Ég er með eina kalda við hliðina á mér núna. Hún er búin að vera að kalla á mig síðan í hádeginu. Because I can!

Gulrótarsúpa með kókos, engifer og kóriander

2009-10-21T19:17:00.002+02:00

Uppskriftahorn? Af hverju ekki?

Ég rakst á þessa súpu á netinu fyrir nokkru (nánar tiltekið hér) þegar mig langaði óstjórnlega í eitthvað sem væri samansett úr kókos og kóriander. Ég held ég hafi verið að hugsa um núðluréttinn sem lengi var í boði á Thorvaldsen þegar leitin fór fram. Ég hef gert hana nokkrum sinnum, bæði fyrir heimilisfólkið á virkum degi, enda bæði fljótleg og þægileg, og "spari" fyrir gestkomandi. Hún er frábær! Endilega prófið - og látið mig vita hvað ykkur finnst jafnvel...

Fyrir 4
Eldunartími: Minna en 30 mín.

5-6 stk. meðalstórar gulrætur
1/2 dl. engifer, rifinn
1 stk. laukur
3 msk. sítrónusafi
1/2 dl. hvítvín (má sleppa)
1/2 knippi ferskur kóríander
1 dós kókosmjólk
2 msk. gerlaus grænmetiskraftur eða grænmetissoð
vatn eða grænmetissoð
salt og nýmalaður svartur pipar
Aðferð: Gulrætur og laukur er saxað smátt. Grænmetið er léttsteikt- þar til það er orðið meyrt í stórum potti. Þá er vatninu og grænmetiskraftinum/soðinu bætt útí og látið sjóða í ca. 15. mín. Þá ætti grænmetið að vera orðið það meyrt í gegn að töfrasproti ætti að ráða við að fullmauka súpuna. Eftir að hún hefur verið maukuð er hún bragðbætt með hvítvíni (þarf ekki), sítrónusafa og salti og pipar. Rifnum engifernum og kókosmjólkinni er þá bætt saman við. Látið malla við vægan hita í 5 mín eftir að hafa verið bragðbætt. Ferskur rifinn kóríander er settur yfir rétt áður en súpan er borin fram.

Blogg

2009-10-21T11:06:00.002+02:00

Við vorum að ræða þetta ég og Sirpa vinkona mín í gær. Við vorum eiginlega sammála um að feisbúkk sé bara alls ekki nóg. Ekki fyrir fólk... eins og okkur... Ókostir við feisbúkk eru að í flestum tilvikum er það bara tilviljun að fólk sér það sem þú segir og þrátt fyrir það eru allt of margir sem sjá það. Blogg er málið. Hér er hægt að segja mikið í einu um margt eða ekki neitt og það er algjörlega engin tilviljun að fólk sér það. Það eru margir hættir að blogga. Ekki síst eftir feisbúkkbyltinguna. Margir eru samt að byrja aftur núna. Jafnvel á nýjum forsendum. Mér hefur dottið í hug að byrja aftur að blogga. Ég veit ekki hvort þetta er sú byrjun - en þetta eru klárlega gælur við byrjun.

Í ljósi þess sem ég hef sagt hér að ofan - þá má velta fyrir sér hvort það eigi ekki bara að taka út birtingartenginguna á feisbúkk. Efni í vangaveltur.

Mæli annars með myndinni Julie og Julia... svona fyrst við erum að spjalla um blogg. Hún er frábær!

I skolanum

2009-10-20T09:03:00.002+02:00

I skolanum ad massa ritgerd. Edlilega datt eg inn a DV og sa ad Bjarni Armannsson aetlar ekki ad vorkenna ser og finnst hann ekki vera i neinni adstodu til ad taka thatt i umraedu um hvers konar framkoma er sanngjorn gagnvart fjolskyldum utrasarvikinga og oreidumanna. Mig langar ad vita hvar hann laerdi ad svara fjolmidlum. Tharf ad senda fleiri i thennan skola.

Haldidi ad ef madur leitar nogu lengi a islenskum fjolmidlum og feisbukk tha endi thad ekki med thvi ad madur finni heimilidir um meginreglu Evropurettar um gagnkvaema virdingu?

Dagurinn í dag

2009-09-09T10:22:00.001+02:00

Fullur af góðum fyrirheitum. Stepstyrka kl. 11:15 og svo sjáum við hvað setur. Ég er alla vega með verkefnalista - en veðrið er bara svo ansi ansi gott!!

Prakkari

2009-05-21T09:33:00.001+02:00

Á að vera að læra. Rétt fyrir utan dyrnar er Eyrún Birna prakkari skellihlægjandi að vera óþekk við pabba sinn. Frekar fyndið.

Sofa - eða ekki sofa

2009-04-21T10:53:00.002+02:00

Dóttir mín er farin að skríða æ oftar upp í rúm okkar foreldra sinna á nóttunni. Við höfum verið að ræða það hvernig best sé að stoppa þessa þróun. Eða hvort? Það fylgja þessu klárlega bæði kostir og gallar. Gallar: Henni finnst ótrúlega gott að kúra ofan á hausnum á mér, stela koddanum mínum og hrjóta hátt í eyrun mín. Kostir: Hún sefur alltaf lengur þegar hún kúrir upp í. Í morgun sváfum við til 8:40!

Cheerios...

2009-04-20T18:47:00.002+02:00

... ég held mér finnist bann við sölu General Mills morgunkornins bara nógu góð ástæða til að ganga ekki í Evrópusambandið. (Eða er það ekki einhver evrópu-næringarreglugerð sem veldur því að það fæst hvergi hér?)

Ég elska "íslenskt" Cheerios - kvölds, morgna og um miðjan dag!

Búhúúú...

2009-04-15T16:44:00.003+02:00

Eftir annir, gestagang, hátíðarhöld, hreyfingarleysi, leikskólafrí og ofát síðustu daga líður mér eins og ég sé bókstaflega hlaupin í spik enn eitt skiptið og líf mitt hafi styst um heil 20 ár vegna almenns óheilbrigðis. Hér með lýkur þessari vitleysu. Morgundagurinn verður tekinn í nefið. Ekki nema tveir mánuðir þar til áætlað var að hafa náð markmiðum vetrarins. Enginn tími fyrir bakslag!! BRING IT ON!

Páskadagur

2009-04-12T13:26:00.003+02:00

Páskakanínan faldi 8 græn og fjólublá hænuegg í garðinum. Krakkarnir fundu þau öll. Eyrún Birna þrjú og Jökull Freyr restina. Páskamorgunverðurinn rann ljúflega niður við kertaljós og klassíska tónlist. Íslenska súkkulaðið var og er gott. Því komst Eyrún Birna að í fyrsta skipti í dag. Húsið er hreint. Gólfið er skúrað. Lambalærið bíður marínerað í ísskápnum. Eyrún Birna lúllar. Jökull hlustar á Enid Blyton og rótar í Legoinu sínu. Kaffibolli á kantinum og vöfflur hjá góðum vinum framundan... Páskadagur.

Gleðilega páska.

Stressandi stjórnarskrárbreytingar

2009-04-02T22:05:00.003+02:00

Hef ekki oft tekið undir orð Björns Bjarnasonar en geri það nú. Það er niðurlægjandi fyrir þingmenn að sitja á Alþingi og ræða stjórnarskrárbreytingar bara af því að Framsóknarflokkurinn vill það. Það er líka niðurlægjandi fyrir ríkisstjórnina að ræða stjórnlagabreytingar á þessum forsendum bara af því þeir ætla sér að sitja sem fastast. Það er náttúrulega klárlega niðurlægjandi fyrir Höskuld Þórhallsson, þann annars mjög mæta mann, að tefla fram sem rökum með stjórnlagabreytingum að það hafi verið skilyrði Framsóknarflokksins fyrir stuðningi við núsitjandi ríkisstjórn að ráðist yrði í þessar stjórnlagabreytingar.

Ég má ekki til þess hugsa að skapað verði fordæmi fyrir afgreiðslu stjórnlagabreytinga með þessum hætti - en svoleiðis verður það líklega. Fyrir Framsóknarflokkinn og hans 10% fylgi.

Nærmynd af Björgólfi Thor

2009-04-02T09:57:00.000+02:00

Og þetta fannst þeim bara alveg frábær hugmynd?

Farið yfir helgina

2009-03-30T09:10:00.004+02:00

Ég er að taka púlsinn á stemmningunni á Landsfundi Sjálfstæðisflokksins. Hefði gjarnan viljað geta þátt. Ég heyrði setningarræðu Geirs í beinni. Hún var náttúrulega ekkert nema alveg frábær. Ég er að hlusta á Þorgerði Katrínu núna. Hennar ræða er líka frábær. Ég er líka búin að hlusta á glefsur úr málefnastarfinu. Það hefur greinilega verið mjög öflugt og mikil þátttaka í því. Allt í allt greinilega flottur fundur sem ber með sér bæði uppgjör við fortíðina og vilja til að takast á við verkefni framtíðarinnar. Glatað að ræða Davíðs sé það eina sem hlýtur umfjöllun.

Og að lokum langar mig að benda á að það er ekki rétt að Þorgerður Katrín hafi ekki fengið mótframboð í embætti sitt. Að halda öðru fram er ekki bara vitleysa heldur óvirðing við aðra frambjóðendur í embætti hennar.

Hvað var Davíð Oddsson að gera þarna?

2009-03-29T19:13:00.003+02:00

Próflesturinn er búinn og stelpan er uppgefin. Ég sem sagt. Alveg uppgefin. Ég ætla að taka vikuna í að skrúfa mig upp í síðustu önnina - á milli þess sem ég mæti í skólann. Alveg glatað að fá ekki nokkra daga í frí eftir próftímabil. Fúlt skipulag. Sérstaklega fyrir mömmur með helgarprógramm. Eftir níu tíma próf á föstudaginn tók þetta við: matarboð og rauðvín, bekkjarpartý, íþróttaskóli, húsþrif, barnaafmæli, hjólatúr, MacDonalds, ælupest, Nova Lund, barnaafmæli... Góð en annasöm helgi að paki.

Er annars að hugsa á ræðu Davíðs Oddssonar á landsfundi frá því í gær. Hverjum datt í hug að gefa honum þetta tækifæri? Bendi á þessa færslu Erlu Óskar sem skipar 4. sæti á öðrum lista flokksins í Reykjavík. Ég tek undir með henni. Ekki talaði Davíð fyrir mína hönd heldur - og einskis sem ég hef heyrt í síðan í gær reyndar. Fyrir hvers hönd var hann að tala - og hvað í ósköpunum var hann að gera upp á sviði á landfundi?

Skemmtilegt atvik

2009-03-23T13:58:00.002+01:00

Ég skaust í ræktina í hádeginu. Þegar ég kom út var komin rigning. Ég setti undir mig hausinn, vafði að mér kápunni og hraðaði mér út í bíl í þungum þönkum yfir því hvað ég ætti að fá mér í hádegismat. Ég leit upp þegar ég heyrði bílhurð skellast. Eigandi skellsins var maður á mínum aldri. Svona sænskur töffari bara, í gallabuxum og svartri úlpu með loðkraga. Hann var einn. Hann hló upphátt, setti á sig húfu og breiddi út faðminn á móti rigningunni. Síðan baðaði hann vængjunum eins og fugl að hefja sig til flugs og valhoppaði í burtu. Sérstakt en skemmtilegt.

Umræðan

2009-03-23T09:14:00.004+01:00

Umræðan um pólitíkina í dag er farin að fara mikið í taugarnar á mér. Ekki umræða pólitíkusanna sjálfra endilega heldur hinna, sem standa til hliðar og fylgjast með og naga og væla og kvarta...

Af hverju er engin endurnýjun? Af því ekki svo margir nýir bjóða sig fram? Af hverju eru þeir nýju sem bjóða sig fram ekki í fremstu víglínu? Af því þeir voru ekki kosnir. Hver kaus þá ekki? Þeir sem biðja hvað mest um endurnýjun líklegast.

Af hverju er Steingrímur J búinn að vera formaður VG í 10 ár? Hann er í flokki, frjálsum félagasamtökum, og býður sig fram á hverjum landsfundi án mótframboðs. Yrði hann kosinn ef hann fengi mótframboð? Það er félagsmanna í félagi með honum að ákveða það. Af hverju er hann án mótframboðs? Af því enginn býður sig fram á móti honum!

Af hverju sitja þingmenn fast í sætum sínum? Þeir hafa áhuga, hver svo sem hvatinn er, á að sinna þessu starfi. Þeir eru kosnir. Ekki þeir sem ekki bjóða sig fram. Þeir munu aldrei vera kosnir - nema þeir bjóði sig fram.

Ef eftirspurnin eftir endurnýjun og nýjum valmöguleikum er raunverulega svona mikil hlýtur framboðið að koma. Þegar kosið verður um framboðið er ekki hægt að væla yfir útkomunni. Fólk uppsker eins og það sáir. Ef ný framboð eru ekki kosin - er eftirspurnin bara ekki meiri. Eða ábyrgðartilfinning fólks með eftirspurnina ekki meiri. Hver svo sem ástæðan er - svona féllu bara atkvæðin! Meirihlutinn ræður!

Það er ekki hægt að þvinga stjórnmálaflokka til að breyta stefnu sinni til að þóknast þeim sem ekki leggja fram sína eigin stefnu.

Svona er bara lýðræðið. Við viljum lýðræði. Við viljum þetta. Það á enginn heimtingu á því að einhver annar bjóði fram krafta sína í þeirra þágu. Það á enginn heimtingu á endurnýjun, nýjum hugmyndum og nýjum starfskröftum. Þeir sem eru kosnir eiga rétt á sínum sætum - í hvaða embætti sem er. Eftir þeim var mest spurn! - Ef þú ert ekki sáttur - gerðu þá eitthvað! Ekki ráðast á þá sem sitja réttkjörnir í sínum sætum. Hvort sem það eru Jóhönnur, Steingrímir, Einarar eða Bjarnar. Atkvæðin féllu til þeirra.

Áfram Katrín Þóra

2009-03-20T10:56:00.002+01:00

Litla systir mín sem er orðin mikið stærri en ég er í dag í inntökuprófi í English National Ballet School í London. Mér finnst ég hefði átt að fara með henni. Ef ég hefði búið á Íslandi hefði ég jafnvel bara gert það. A.m.k. árið 2007.

Ég mun hugsa til hennar með alla fingur og tær krossaðar í dag. Hún á það svo skilið að ganga vel. Hún er frábær. Áfram Katrín!!

Fúl frammistaða

2009-03-15T14:18:00.003+01:00

Hugsa óvenjulega mikið þessa dagana og er alveg til í að fara að blogga aftur með hækkandi sól.

Átti frábæra helgi með hressu fólki og góðu gríni - og súrum endi þegar ég sá niðurstöður prófkjöra Sjálfstæðisflokksins. Nokkrir góðir punktar inn á milli en í heildina ótrúlega léleg frammistaða hjá flokksmönnum. Magnað að sjá nánast engar breytingar í mannavali. Hvort eru Sjálfstæðismenn íhaldssamari en er hollt fyrir þá, hræddir við breytingar eða kannski bara hræddir við skoðanir sínar? Þ.e. að hafa sínar eigin. Eða... sátu þeir sem vildu breytingarnar kannski bara heima hjá sér, kusu ekki og héldu að það myndi breyta einhverju?

Hádegistónleikar

2009-02-08T13:14:00.002+01:00

Er á hádegistónleikum. Sit hér í eldhúsinu mínu með barnamónitorinn og hlusta á dóttur mína, sem liggur úti í vagni og syngur fyrir mig "Lille kat" á milli þess sem hún kallar "Maaaaaaaaammmaaaaaaa, Áááátta (Ásta), Eyj Bidda lúlla... NEI" Meira hvað maður hefur sterkar skoðanir ekki hærri í loftinu en þetta.

Lille kat er annars soldið uppáhald. Ef þið munið eftir laginu hennar Ídu úr Emil í Kattholti, Litli grís, þá kannist þið við þetta. Sama lag. Annað erindi.

Nú er hún reyndar byrjuð á "Bä bä vita lamm". Það er líka svolítið hátt á listanum. Ég þarf greinilega að fara að taka fram íslensku vísnabókina okkar. Eins gott að amma Lína er að koma í heimsókn.

Við keyrðum Davíð á lestarstöðina í hádeginu. Hann er að fara í vikuferð til Alingsås (sem er nett krummaskuð) að reyna að næla okkur í smá aukapening. Við söknum hans strax.

"Ég er nú bara starfsmaður á plani"

2009-01-22T18:58:00.004+01:00

Hversu skemmtileg eru nú áhrif Nætur- og Dagvaktarinnar á Íslenskt mál? Þetta finnst mér snilld.

En, síðan hvenær varð Össur starfsmaður á plani? Er hann ekki iðnaðarráðherra?

Fjársjóðurinn minn

2009-01-14T19:22:00.004+01:00

Ég á að vera að læra. Sit hérna við skrifborðið mitt og hlusta á feðginin fíflast. Fyrst yfir baðrútínunni og nú heyrist mér þau vera í símaleik, eða myndavélaleik. Litla daman kann aðeins örfá orð en þau spjalla og spjalla eins og enginn væri morgundagurinn og inn á milli heyrast í henni hlátrasköllin sem bara krakkar geta gefið frá sér. Pabbi er greinilega mjög fyndinn og hress. Dásamlegt.

Varð bara að deila þessu með ykkur - og nú aftur að bókunum.

Að skipta um skoðun

2009-01-14T15:51:00.002+01:00

Fyrst þegar Fólkið fór að biðja um afsögn ríkisstjórnarinnar og kosningar á Íslandi var ég alfarið á móti því. Ekki af því mér fyndist svo frábært að hún sæti heldur var uppnámið þvílíkt að kosningar hefðu verið glapræði.

Núna... gerir ríkisstjórnin lítið af viti meir. Aðgerðir hennar núna eru ekki krísuviðbrögð heldur... tja... það fer alla vega að koma tími til að kjósa.

Það verður spennandi að fylgjast með landsfundi - væri gaman að gæta mætt. Endemis Svíþjóð (eða þið vitið - ekki alveg en samt stundum).

Kalt í Lundi

2009-01-08T11:37:00.000+01:00

Við erum að tala um 17°C inni hjá mér. Ég næ ekki að kynda húsið mikið meira (nema fara á hausinn). Mig vantar arin. Það er nokkuð ljóst. Þetta er fáránlegt. Ég sit hér í lopapeysu og -sokkum með flísteppi utan um mig og er að frjósa. Best að hella upp á te.

Listin að klúðra viðtali

2009-01-06T00:32:00.002+01:00

Ímyndaðu þér að þú sért stjórnandi fréttaskýringarþáttar á Íslandi. Ástandið er... eins og það er í dag, og þú ert með Bjarna Ármannsson í viðtali hjá þér að horfast, a.m.k. að hluta til, í augu við sinn hlut í falli íslenska fjármálakerfisins. Þú getur spurt hann um allt það sem brennur á allri þjóðinni. Hvað myndirðu leggja aðaláherslu á? Að fá hann til að segjast vera glataður fáviti? Hver yrði t.d. síðasta spurning þín? "Átt þú ekki bara að fá falleinkunn sem viðskiptamaður?"

Sigmar... þú hefðir getið tekið þetta - en þú gerðir það ekki.

Bjarni hins vegar... þú tókst þetta frábærlega. Það verður ekki frá þér tekið.

Játning

2009-01-03T12:24:00.003+01:00

Ég átti frábær jól. Þau byrjuðu með yndislegum aðfangadegi og aðfangadagskvöldi með Eyrúnu Birnu og Davíð. Jólamaturinn heppnaðist frábærlega, mér til mikils léttis, og kvöldstundin með fjölskyldunni var hin ljúfasta. Ég mun aldrei aftur kvíða því að halda fámennt aðfangadagskvöld. A.m.k. ekki þegar það er svona góðmennt.

Á jóladag ákváðum við á hádegi að bjóða í smá jólakaffi. Allt í einu voru mættir til okkar 16 manns í kaffi, bollur, smákökur og jólaglögg og sökum fjölmennis var bara tilvalið að taka fram gítarinn og dansa í kringum jólatréð. Um kvöldið var okkur boðið í hangikjöt og félagsvist á Bivackgränden. Það var ekki leiðinlegt.

Annar í jólum kíktum við hjónin á útsölur - í sitthvoru lagi. Svo fórum við í jólaboð hjá Elvu Björk og Guðmundi (í sveitinni) sem buðu 17 manna saumó ásamt fjölskyldum í kaffi og Bingó. Dagurinn endaði svo í julefrokost að dönskum sið hjá Tomma og Möggu í Dragör (DK) með stórfjölskyldunni allri. Mamma og pabbi voru komin, ásamt Friðrik og Elísabetu og Katrínu Þóru. Það var svo gaman að sjá þau öll.

Þann 27. des fórum við nokkur á Hnotubrjótin, tókum svo pizzu og spil hjá Tomma í Dragör og svoleiðis liðu jólin. Dómkirkjuskoðun, hangikjöt og litlu jól í Lundi þann 28. des. Útsöluskoðun, rólóferð og sjóbað ásamt jólaglöggi og gamlárskvöldsskipulagningu þann 29. des. Jólatívolí með hersingunni allri þann 30. des ásamt dýrindis kvöldverði á Wagamama sem stendur sko alltaf fyrir sínu. Síðasta dag þessa endemis árs safnaðist svo 12 manna stórfjölskyldan saman í Dragör, undirbjó veislu kvöldsins og fagnaði svo með skaupi, flugeldum, Singstar og alvöru áramótastemmningu með ýmsu tilheyrandi eins og leigubílabið fram undir morgun o.fl. Nýarsdagur blandaðist þreytu og þynnku en við í Dragör hlóðum okkur þó samt inn í okkar fjallabíl með nesti og spil, leikföng og teiknimyndir og áttum nokkrar góðar klukkustundir með Íslandsgenginu í íbúðinni þeirra í Frederiksberg áður en leiðir skildu.

Þessir dagar voru alveg frábær. Við vorum mörg, sem hafði kannski þá einu slæmu hlið að ég fékk ekki að drekka í mig alla kosti hvers og eins þeirra sem ég sakna svo ógurlega mikið, en klárlega þá yfirgnæfandi góðu hlið sem sú tilfinning er að hafa alla sem standa manni næst í kringum sig á sama tíma. Þegar ég leit yfir stofuna mína á litlu jólunum og sá alla sitja þar prúðbúna við hangikjötsborðið... þá var gaman.

Játningin er bara sú að kveðjustundin var erfiðari en ég hélt. Árskiptin voru líka erfiðari en ég hélt. Ég táraðist yfir áramótaskaupinu – það er glæný lífsreynsla. Ég átti erfitt með að halda aftur af tárunum yfir innlenda fréttaannálnum á nýársdag. Ég táraðist margoft við tilhugsunina í gær um að fólkið mitt væri á heimleið og óvíst um hvenær þau kæmu aftur – eða hvenær ég kæmist heim. Mig langar heim og játa það hér með. Ég hugsa daglega til Íslands, vina minna og fjölskyldu þar en einnig ástandsins sem þar ríkir. Mér finnst erfitt að vera hér þegar ég vil svo miklu frekar vera þar þrátt fyrir að hér hafi ég alls ekki yfir neinu að kvarta – tja nema kannski peningaleysi. Ég er með heimþrá.

Jólafiðringur

2008-12-17T21:46:00.003+01:00

Er með jólafiðring í maganum. Jólakortapokinn er kominn í forstofunni og soldið farið að ískra í mér. Allt eins og það á að era. Finnst samt allt of mikið vera eftir að gera og samt er ég að reyna að vera dugleg að læra til að komast í samviskubits"laust" ehhh... eða alla vega samviskubitsminna jólafrí. Neita nefninlega að læra frá þorláksmessu fram til annars janúar. Finnst það bara lágmark að geta verið í smá fríi. Eeeníhú... jólafiðringur er góður fiðringur, enda hefur mér alltaf fundist jólin dásamlegur tími. Ætla ekkert að hætta því þó þessi jól verði aðeins öðruvísi en ég á að venjast.

Bara vika í aðfangadagskvöld. Þá ætlum við Davíð að elda okkur fyrstu jólasteik með Birnuskottinu og hafa það gott í rólegheitunum. Bara 9 DAGAR í fjölskyldurenuion á Eyrarsundssvæðinu. Stefnum á The Sveinssons Family Christmas 2008 sem hefjast þann 26. des með kvöldverði hjá Tomma og Möggu í Dragör og lýkur líklegast með kvöldverði á svipuðum slóðum þann 2. janúar. Í millitíðinni verður Lundur heimsóttur, Hnotubrjóturinn, jólaTivoli... mmm... þetta verður ljúft. Dr. Sveinsson og frú ásamt 10 afkomendum og áhangendum. Gæti það verið betra? Það finnst mér ekki.

Sænsk stelpa

2008-12-15T10:36:00.000+01:00

Ég held að Eyrún Birna sé búin að læra að segja sjáðu. Nema... hún segir "titta här".

Jólajólajól

2008-12-13T10:59:00.002+01:00

Hér verður jólaundirbúningshelgi með lærdómsívafi. Eða lærdómshelgi með jólaundirbúningsívafi? Nei - frekar hitt.

Fyrstu jólakortin eru komin í hús. Það er alltaf svolítið magakitl. Mikið hlakka ég til að eiga notalegar stundir með fjölskyldunni í jólalandinu fína sem ég ætla að búa til hér á Skyttenlinjen!!

Ef einhvern langar að senda jólakort og okkur hjónin er adressan:

Skyttelinjen 289,
22649 Lund,
Sverige

Lúsía!!

2008-12-12T08:43:00.000+01:00

Öll fjölskyldan var mætt upp á leikskóla kl. 07:30 í morgun til að vera viðstödd Lúsíuhátíðina. Litli jólasveinninn fékk nú ekki að syngja með í þetta skiptið (vegna smæðar sinnar) en hún var mjög spennt yfir öllu umstanginu og fylgdist með grafkyrr og steinþegjandi. Krakkarnir komu uppáklædd og búin ljósum í skrúðgöngu út í garð og sungu fyrir okkur nokkur vel valin jólalög. Garðurinn var allur upplýstur með kertaluktum í trjánum og friðarljósum víðast hvar og ekki skemmdi fyrir að í Lundi er logn og falleg jólasnjókoma hefur glatt okkur allt frá því í gærkvöldi. Eftir athöfnina beið okkar kaffi og kakó og heitar bollur og piparkökur.

Væri ekki gott að byrja alla morgna svona?

Rúnar Júlíusson

2008-12-05T11:42:00.001+01:00

Þetta þykir mér sorgleg frétt.

Hér má lesa margt um merkan feril þessa manna.

Snjor i Lundi

2008-12-03T10:18:00.002+01:00

Vid Eyrun Birna vorum heldur seinar fyrir i morgun. Hun hafdi ad sjalfsogdu vaknad i nott (sem er efni i adra sogu) og svaf thvi til korter yfir atta, sem seinkadi ad sjalfsogdu allri rutinunni.

I rutinunni felast margar akvardanir sem teknar eru daglega. Hvada jakka a eg ad fara i? Trefil eda ekki trefil? Hvernig skor? Mala mig? Mala mig kannski i skolanum? Hjola? I morgun tok eg akvordun um hlyja ullarkapu, trefil og kuldasko. Eg akvad ad skella malningardotinu i bakpokann og mala mig i skolanum og svo akvad eg a hjola i skolann.

Thegar eg kom ut af heimili minu var gatan blaut en tho ekki mikil urkoma. Thegar eg kom a leikskolann var farid ad rigna soldid. Eg hugsadi med mer ad thad vaeri heppilegt ad eg hefdi tekid regnhlyfina i töskuna mina og hjoladi svo af stad. Thegar eg var komin dagodan spöl i thessari rigningu, nogu stutt til ad velta thvi fyrir mer ad snua vid og taka straeto en of langt til ad lata verda af thvi, byrjadi ad kyngja nidur snjo. Rigningin hafdi breyst i risastorar snjoflyksur sem virtust leitast eftir thvi ad svifa a moti mer, alveg sama i hvada att eg var ad hjola. Fljotlega sa eg ekkert ut ur gleraugunum og thau endudu thvi bara i hjolakorfunni. Hluta af leidinni thurfti eg ad leida hjolid i gegnum thessa fallegu jolasnjokomu thar sem eg sa ekki neitt. Margoft fekk eg thessa snjohlunka i augad (heppilegt ad vera ekki malud) og thegar eg loksins kom i skolann vakti eg mikla katinu vidstaddra enda leit eg ut eins og snjokerling i ullarkapunni thar sem snjokornin gatu setid svo vel, og med skafl a hausnum (hjalminum). Eg er ekki fra thvi ad allar akvardanir morgunsins hafi verid godar... nema kannski ad hjola.

Nu er eg nysest vid tolvuna og thad er haett ad snjoa. Er thad ekki daemigert?

Julen i Sverige

2008-12-02T13:56:00.002+01:00

Frekar slöpp svona i dag. Og i gaer. Baetti ekki ur skak ad Eyrun Birna vakti i 4 tima i nott. Fannst thad bara allt i lagi. Thad fannst mer hins vegar ekki.

Langadi annars bara ad deila thvi med ykkur ad thad er nyvafinn adventukrans a stofubordinu minu og kanilkertin eru komin i leitirnar. Kaffistofan i lagadeildinni er farin ad selja glögg med möndlum og rusinum, lusiubraud, piparkokur og mandarinur.

Thad koma vist jol i Svithjod... hvort sem madur er a Islandi eda ekki.

Eins og vindurinn...

2008-11-26T14:12:00.005+01:00

... og eins og enginn væri morgundagurinn. Þannig bloggar karl faðir minn þessa dagana.

Átti ágætissamtal við tengdaforeldra mína í gærkvöld sem komu með ferskar kreppufréttir til Lundar. Þetta er nú meiri endemis vitleysan allt saman.

Við vorum samt sammála um að best væri ef hægt væri að fóðra lýðinn fljótlega með einhverju bitastæðu til að vinnufriður kæmist á.

Rugl og vitleysa

2008-11-24T15:02:00.002+01:00

Var að lesa enn eina fínu færsluna hér.

Ég var að ljúka við grunnkúrs í hagfræði fyrir lögfræðinga og þar var kennaranum mínum títtrætt um hvers vegna bændur væru svona valdamiklir í Evrópu... og víðar. Hvers vegna fá bændur alltaf allt sem þeir vilja á kostnað annarra? Jú - þeir eru tiltölulega lítill hópur, afskaplega vel skipulagður, með vel skilgreind markmið en jafnframt þverpólitískur. Þar sem þeir eru fáir en með góða þrýstipunkta fá þeir mikið í sinn hlut á kostnað okkar hinna, sem erum mörg og finnum lítið fyrir því hlutfallslega og því tekur því ekki fyrir okkur að skipuleggja okkur, stilla saman strengi og mótmæla mótmælum bænda. Borgar sig bara ekki.

Þetta er svona sirka það sem mun gerast ef þetta heldur áfram. Svipað eins og lýst er í þessari bloggfærslu hér að ofan. Smátt og smátt mun koma í ljós að við erum ekki samstillt og erum illa skipulögð og með illa skilgreind markmið. Við erum ekki sammála um hverju við viljum að mótmælin skili og hvaða aðferðum á að beita. Það mun verða til þess að smám saman heltist úr lestinni fólk sem sér það einfaldlega ekki borga sig fyrir sig að eyða kröftum í þátttöku í sameiginlegum mótmælum. Eftir verða margir hópar fárra og enginn þeirra mun hafa afl til að fá sínu fram.

Bara glatað að fólk geti ekki haldið skynseminni, gert raunhæfar kröfur og fyrst og fremst skilið skrílslætin eftir heima. Hvað er t.d. málið með að sækja ríkisstjórnina og bera hana út? Hvaða endemis rugl er þetta? Og hafa bara stjórnleysi? Eða setja við stjórnvölinn fólk sem notar aðferðir eins og þessar til að vinna með sínum málstað? Fólk sem sér ekkert að því að taka ákvarðanir án tillits til laga og þvinga þannig fram vilja sínum. Fólk... sem er litlu eða engu betra en þeir sem það þykir sig vera að berjast baráttu hinna réttlátu gegn.

Endemis rugl og vitleysa sem þetta er komið út í. Vonandi næst að vinda ofan af þessu áður en allt fer til fj...

Ferskt og ómyglað

2008-11-24T09:36:00.003+01:00

Pabbi sagði í gær að bloggfærslan hér á undan væri farin að mygla. Þá held ég það sé kominn tími á nýtt.

Það er snjór í Lundi. Snjór og frost og bara nokkuð jólalegt. Á laugardaginn þrifum við húsið með jólalög í botni, fórum svo út að leika í snjónum, hituðum svo kakó og ég bakaði kryddbrauð. Er þetta ekki eins og þetta bara á að vera í lok nóvember? Nú vantar mig bara að komast í IKEA og kaupa kanilkerti.

Skólinn er kominn aftur á fullt hjá mér og feikinóg að gera. Útkoman úr fyrstu prófunum í náminu var mjög ánægjuleg og hvetjandi til frekari duglegheita svo ég ætla ekkert að vera að slaka á neitt þó það sé að koma desember. Það er reyndar margt framundan hjá okkur sem mun eitthvað trufla lærdóm en... það verður bara að nýta tímann þá ennþá betur þegar tækifæri gefst.

Jæja... hafði svo sem ekkert mikið að segja. Fannst bara leiðinlegt að hafa myglandi færslu á toppnum! Tengdó koma í heimsókn á morgun þ.a. ætli það sé ekki best að læra á meðan ég get.

Lítil dolla

2008-11-11T21:24:00.002+01:00

Litla skottið mitt er að kafna úr frekju inni herbergi og þvertekur fyrir að fara að sofa. Er að henda bæði bangsanum sínum og sokkunum út úr rúminu á milli þess sem hún kúgast af öskrum.

Spurning um að fara að rifja upp Super Nanny trixin. Muniði einhver?

Snillingur farinn

2008-11-10T09:21:00.001+01:00

Jámm... þeir deyja víst líka. Miriam Makeba átti ekki marga ef nokkurn sinn líka.

Operation getting my life back

2008-11-08T10:04:00.002+01:00

er byrjuð. Þvottavélin er komin af stað og uppþvottavélin líka. Uppsafnaðar blaðahrúgur eru komnar í endurvinnslukassann, barnið er baðað og ég er á leiðinni að búa um rúmin.

Mikið er ég glöð að þetta kláraðist á endanum. Helgin mun fara í að knúsa Eyrúnu Birnu eins mikið og ég mögulega get á meðan ég reyni að koma heimilinu smám saman í viðráðanlegt horf. Ég bind svo miklar vonir við vikuna. Planið er að endurnýja kynnin við vini og kunningja, taka til í nokkrum skúffum og skápum, klára nokkrar jólagjafir og... jú kannski mæta í tíma og kaupa bækurnar. Alls ekki lesa samt!

Varúð!

2008-11-05T13:26:00.002+01:00

Þetta er það sem ég óttaðist að yrði það versta sem kemur út úr þessari kreppu. Vonandi hljóta hugmyndir þessara einstaklinga ekki hljómgrunn. Það myndi endanlega gera útaf við samfélagið okkar á Íslandi og algerlega koma í veg fyrir að okkur takist, með einstaklingsframtaki, að byggja aftur upp blómlegt efnahagslíf þar sem nýsköpun og hugmyndaauðgi borgar sig.

Aðstæðurnar í dag eru kjöraðstæður fyrir sósíalisma til að skjóta nýjum rótum í samfélaginu. Rót vandans sem við stöndum frammi fyrir er ekki frelsið heldur lélegt regluverk, eftirlit og siðleysi og hugleysi. Til að takast á við erfiðleikana sem við stöndum fyrir þarf að ráðast að rót vandans - ekki búa til nýtt pólitískt umhverfi þar sem sami vandi mun skapa ný vandamál. Við skulum ekki leyfa þeim sem komu okkur í þessa stöðu eyðileggja framtíð okkar líka.

Tommi er sammála mér. Vonandi eru það sem flestir.

Mikið er ég glöð...

2008-11-05T09:52:00.001+01:00

... með nýja Bandaríkjaforsetann. Mikið glöð. Hlakka til að sjá breytingarnar sem ég trúi að muni fylgja í kjölfarið á þessu.

Loksins eitthvað jákvætt að gerast í heimsmálunum segi ég nú bara.

Réttmæt reiði

2008-11-04T12:43:00.003+01:00

Hann pabbi minn skiptir ekki oft skapi. Í uppeldi mínu man ég eftir skiptum þar sem hann varð reiður við okkur systkinin og það var undantekningarlaust þegar við áttum það skilið. Þegar við höfðum sagt ósatt, verið löt og sérhlífin eða á annan hátt tillitslaus í garð annarra. Í raun er það eina sem ég hef séð fá reiðina til að brjótast út í honum er óheiðarleiki, ósanngirni og eiginhagsmunapot. Hvernig haldiði að honum sé innanbrjósts núna?

Skrítið að sjá svona mikla réttmæta reiði, örvæntngu, vonbrigði... allar þessar neikvæðu tilfinningar á sama stað og á sama tíma. Með hverju endar þetta?

Jólaseríur

2008-11-03T12:08:00.001+01:00

Mér finnst að Íslendingar ættu bara að fara að skella upp jólaseríunum. Það myndi ábyggilega fá alveg nokkra til að brosa út í annað.

Ég er ekki frá því að ég myndi bara fara að drífa í því sjálf ef rafmagnið hérna væri ekki svona rosalega dýrt.

Erfitt...

2008-11-02T15:31:00.002+01:00

... horfði á eftir músinni minni og pabba hennar fara gangandi út götuna á leið í kaffiboð. Langaði hræðilega mikið með. Í gamla daga þegar ég las undir próf fór veröld mín fram þar sem próflesturinn fór fram og ég saknaði einskis. Það er af sem áður var.

Mikið verð ég fegin þegar þessi próf eru búin. Er komin með langan lista yfir það sem ég ætla þá að gera. Efst er að knúsa Eyrúnu Birnu - og Davíð þegar hann kemur heim frá Íslandi.

Mínar áhyggjur eru þessar

2008-11-02T08:43:00.002+01:00

Ég á nokkra þætti af Lipstick Jungle, Heroes og Gossip Girl sem ég á eftir að horfa á. Mig langar að horfa á einhvern einn þátt í kvöld eftir lesturinn. Hvaða þátt á ég að horfa á?

Alvarlegra er það nú ekki í bili. Er ég ekki heppin?

Fyndið... eða hvað?

2008-11-01T21:23:00.003+01:00

Soldið fyndið svona. Er að lesa um hvað það séu nú fólgnir miklir kostir í að hafa lítið myntsvæði þar sem hagsmunir þeirra sem á svæðinu búa eru þeir sömu og samtvinnaðir. Þá sé svo þægilegt að berjast gegn "sjokki" í efnahagslífinu með svæðisbundinni myntstefnu. Hækka gengið... lækka vexti og hvaðeina. Jahá!

Lítil sól

2008-11-01T17:36:00.000+01:00

Var bara að velta fyrir mér hvort það væri ekki stemmningi fyrir svona lítilli og brosandi sól í skammdeginu. Ég er alla vega kátari eftir að hafa skoðað þessa mynd.

Nýtt gott blogg

2008-11-01T16:13:00.004+01:00

Pabbi heldur áfram að blogga. Hvet ykkur til lestrar. Spurning um að láta kallinn fá link?

Allt úr skorðum

2008-10-31T09:33:00.004+01:00

Mér finnst bara frekar mikið flókið að vera í próflestri og þurfa að sinna annarra manna rössum. Nú eru þrír dagar í próf. Ég var búin að ákveða maraþonlestur í dag til að geta sótt EB kl. 16 og ekki farið strax aftur að læra heldur farið með henni í smá búningapartý og leyft henni að njóta móður sinnar í smá stund. Ef ég sæki hana 16 í dag verður hún ALEIN á leikskólanum frá 15-16. Það er haustfrí og Halloween og það eru greinilega allir foreldrar betri en ég og sækja börnin sín snemma. Nú verður maraþonlestur í öðru veldi... mér finnst hræðileg tilhugsun að hún sé bara alein að dröslast á leikskólanum með Andreas, sem er ekki einu sinni fóstri á hennar deild (ábyggilega fínn samt).

Ok... massa þá bara helgina í staðinn. En nei! Þá kemur allt í einu upp óvænt vakt hjá Davíð. Besti kosturinn er að flytja hana frá laugardegi frá 12-21 yfir á sunnudag frá 8-16. Sem sagt - besti kosturinn er alls ekki góður. Ég veit ekki hvernig það á eftir að fara með mig þar sem þetta er DAGURINN FYRIR PRÓF og þá er ég venjulega, og á rétt á að vera, geðveik. Ef ég myndi blóta... þá myndi ég blóta núna. Hrumpf.

Já... og ég gleymdi að segja að ég hef enn ekki sofið heila nótt - núna í 10 daga - og ég gerði mér cappuccino í dag... bara til að minna mig á að kaffibaunirnar mínar eru nánast ódrekkandi. Góður dagur??

Pabbi bloggar

2008-10-30T11:18:00.003+01:00

Nú er pabbi farinn að blogga. Vona að hann tjái sig oft og mikið. Það er ekki vanþörf á að fjölga moggabloggurum sem skrifa af viti.

Pabbablogg

Ein í húsinu

2008-10-29T10:45:00.002+01:00

Búin að vera að bíða eftir þessu. Nú er ég loksins ein og get lært í friði - þá fer einbeitingin. Ætli það sé ekki kominn tími á að sofa heila nótt bara. Líður soldið eins og í miðri brjóstagjöfinni.

Mikið er ég þakklát fyrir að eiga barn sem að meginreglu til sefur á nóttunni. Þetta vökustúss er bara alls ekki fyrir mig.

Hin lausnin

2008-10-28T15:48:00.002+01:00

Stjórnarandstaðan dundar sé nú við að gagnrýna harðlega ákvörðun Seðlabankans um hækkun stýrivaxta. Stýrivaxtahækkunin er til að mæta kröfum Alþjóðagjaldeyrissjóðsins sem settar eru fram í tengslum við samningaviðræður um aðstoð við að rétta af stöðuna á Íslandi. Sú ákvörðun ríkisstjórnarinnar að leita til sjóðsins hefur líka verið gagnrýnd af sama fólki - amk hefur verið gefið í skyn af formönnum stjórnarandstöðuflokkana að skilyrðin sem gengið hafi verið að hafi verið óviðunandi.

Mig myndi svo gjarnan langa til að sjá þeirra lausn á málinu. Hvernig hefðu þeir farið að við að semja um vægari skilyrði? Hvert hefðu þeir þá leitað um lán ef ekki til IMF? Og bara yfirleitt - hvað annað ætluðu þeir að gera? Hef lítið heyrt um það.

Skjaldbakan mín

2008-10-26T15:23:00.002+01:00

Borghildur vinkona okkar lánaði Eyrúnu Birnu þennan fína búning sem við ákváðum að prófa hérna eitt kvöldið.

Litla skottið okkar er nú ekki alveg í þessari stemmningu í dag... en vonandi batnar henni fljótt.

Á svona dögum...

2008-10-24T12:06:00.001+02:00

... þegar allt er öfugt. Er gott að mega fá sér nokkrar möndlur með kaffibollanum. Takk Níní!

Veikindi

2008-10-24T08:29:00.003+02:00

Jæja. Hér gengur lífið bara sinn vanagang. Músin mín er orðin lasin eina ferðina enn og setur þar með á hvolf öll plön helgarinnar um lærdóm, strípur, lærdóm, matarboð, lærdóm og fleira.

Eins og áður vonar maður að þetta gangi fljótt yfir.

Það væri auðveldara að vorkenna henni ef hún væri raunverulega slöpp en hún er bara með hita og annars FÁRÁNLEGA hress - bara ekki í leikskólanum.

Ætli maður njóti þess ekki samt að vera með henni í kósíheitum í dag. :-)

Prófstemmning og hreyfing

2008-10-22T22:34:00.002+02:00

Já það er komin prófstemmning í stelpuna. Hvort bloggum fjölgar eða fækkar í prófstressi í Svíþjóð á eftir að koma í ljós en... það er alla vega nóg að gera. Þar sem allur minni tími fer í lestur þessa dagana er ég þvílíkt fegin að þetta er a.m.k. ágætlega skemmtilegt. Það var nú ekki alltaf þannig í þessa gömlu góðu.

Ég get samt alveg hugsað um fleira... og í dag var ég á vappi og þá allt í einu bættust við 3 jólagjafir. Ég er þá búin með 7. Hresst!

Annars langaði mig bara að hvetja ykkur samfélaga í kreppu til að stunda hreyfingu í vetrinum. Helst úti... en annars inni. Það er ekkert betra fyrir gleðiheilsuna en það!